SaLaMin

Sa lahat po ng mga hindi nagdamot na isama ako sa bloglist nila,nakishare ng link, naging follower ko at bumisita sa aking simpleng bahay... Maraming Salamat po! Mabuhay po kayo!

Salamin, salamin...

Sa dilim ako'y hanapin

Landas iyong tuwirin

Pagkatao ko'y iyong tukuyin

Ipakita ang tunay na hangarin

Salamin, salamin..

Ako'y bigyang pansin

Tanging panlabas na anyo'y sisilayin

Sa kapayakan ako ay iyong hanguin

Sa kamangmangan ako ay iyong gisingin

Sa kamalian, iyong intindihin

Sa panghuhusga ko, ako'y patawarin

Salamin, salamin...

Kaluluwa'y iyong silipin

Pagkukulang ko'y iyong suriin

Nang puwang sa puso'y punuin

Diwa ko siyasatin

Pananaw ko'y baguhin

Nang ganap na kapayapaan akin ng angkinin

Salamin, salamin...

Nakalimutan ko ang iyon bilin

Ipakita ang totoo sa'yong iibigin

Dapat puso ang gamitin

Sapagkat kaligayhan abot hanggang bituin

Wagas na Pag-ibig yan ang babaunin

Salamin, salamin...

Ngayon ako ay alipin

Nang aking huwad na likhain

Pagbabalatkayo'y tatapusin

Maskara ko aking huhubarin

Sarili ko man ang sisihin

Pagdurusa aking papawiin

Sa gapos ng kalungkutan palalayain

Salamin, salamin...

Ako'y iyong harapin

Sarili ko ngayon mamahalin

Lubos na kikilalanin

Nang hindi na nabibitin

Puso ko paliligayahin

Patuloy kong didingin

Ano man ang iyong Tingin

Ako ay Tanggapin...